Sámediggi, Divvun ja Sámi Giellatekno Romssa universitehtas almmuhit ođđa digitála sátnegirjji Sátni – báhko – baakoe. Sátnegirji boahtá risten.no sadjái.
Sátnegirjjis leat sihke dábálaš sánit ja fágatearpmat. Ođđa sátnegirjjis leat eanet sánit go risten.no:s. Ohcat lea álkit. Geavaheaddjit sáhttet ohcat buot sámegielaide ja dárogillii.
-Dáinna digitála sátnegirjjiin, mii lea nuvttá geavaheapmái, mii sávvat ahte eanebut geavahit sámegiela sihke čálalaččat ja njálmmálaččat, dadjá Sámedikki presideantaAili Keskitalo.Dađistaga bardojuvvojit eanet sánit ja tearpmat digitála sátnegirjái, dadjáKeskitalo.
Neahttačujuhus lea:
Divvuna prošeaktajođiheaddji Sjur Nørstebø Moshagen dadjá ahte sii háliidit oažžut dieđuid ruovttoluotta olbmuin, vai sii sáhttet buoridit ja ovddidit sátnegirjji.
Dieđuid ruovttoluotta sáhttá sáddet deike: feedback@divvun.no, ja ođđa terminologiija sáhttá addit neahttabáikkis http://gtsvn.uit.no/termwiki/
Eará gažaldagaid oktavuođas, váldde oktavuođa Divvuniin dás: feedback@divvun.no, dahje čuojahit prošeaktajođiheaddjái Sjur Nørstebø Moshagen tel. +358-505 634 319.
Loga eanetSámi giellatekno ja Divvun birra dás: