Ođđa SáNuL lahtut:
Jođiheaddji Ole Henrik Bjørkmo Lifjell (Nordlánda), Maja Fjellstrøm (Davvi-Trøndelága), Stine Ericsson Anti (Nuorta-Finnmárku), Grete Julianne Skum (Oarje-Finnmárku) ja Alfred Mikkel Kuoljok (Nordlánda)
Várrelahtut:
Laara Sparrok (Nordlánda), Andine Knudtson (Lulli-Norga), Kristine Ballari (Nuorta-Finnmárku), Sajane Karina Olsen (Romsa), Katja Elise Utsi (Nordlánda)
Sámediggeráđđi dat nammadii ođđa Sámedikki nuoraidpolitihkalaš lávdegotti čoahkkimis Oslos ikte 14.12.17. Evttohusat ledje boahtán NSR:s, Johttisámi listtus, Åarjel-Saemiej Gïelhas, Bargiidbellodagas ja Olgeš bellodagas.
– Mii leat vuđolaččat bargan ja váldán buoremus lági mielde joavkkuid evttohusaid. Buot evttoheaddji joavkkut leat ožžon juogo fásta lahtu dehe várrelahtu, dadjá sámediggeráđđi Juhána Biera Biret Márjá/Berit Marie P.E. Eira, gii lea dat Sámediggeráđis geas lea ovddasvástádus SáNuL:ii.
Sámedikki nuoraidpolitihkalaš lávdegoddi (SáNuL) lea ásahuvvon buoridan dihtii sámi nuoraid vejolašvuođa váikkuheames Sámedikki politihka. Lávdegoddi galgá doaibmat gulahallanásahussan sámi nuoraid ja Sámedikki gaskkas, muhto galgá maiddái leat gulaskuddanásahus ja “bearráigeahččin” Sámedikki ektui nuoraidáššiid oktavuođas. Dainna lágiin sáhttá SáNuL veahkehit Sámedikki hábmemis dikki nuoraidprofiilla ja nuoraidpolitihka.
– Šaddá hui somá deaivat ođđa lávdegotti ja dieđán ahte sii leat hui áŋgirat ovddidit nuoraid áššiid, dadjá Eira.
Jus leat gažaldagat, váldde oktavuođa sámediggeráđiin Juhána Biera Biret Márjá/Berit Marie P.E. Eira, mob. +47 913 28 626.
Govat sámediggeráđis ja/dahje ráđđelahtus Juhána Biera Biret Márjjás