Sámedikki dievasčoahkkin lea Sámedikki 2018 bušeahta meannudeami oktavuođas, mearridan ahte stipeanda alit ohppui 2018:s addojuvvo dušše mánáidgárdeoahpaheaddji oahpu ja iešguđege oahpaheaddji oahpuid studeanttaide.
Sámediggi vuoruha dáid oahpuid danne go váilot hui ollu sámegielat oahpaheaddjit mánáidgárddiin ja vuođđoskuvllain. Erenoamážit guoská dát julev- ja máttasámegiela giellaguvlui.