![](/share/icons/crystal/16x16/mimetypes/pdf.png)
Iqaluit, Nunavut Kanadas lea báiki gos Árktalaš Ráđi ministtarčoahkkin dollojuvvo bearjadaga cuoŋománu 24. b. 2015. Sámedikki presideanta Aili Keskitalo dadjá ahte olmmošvuoigatvuođaid galgá árvvusatnit go resursaávkkástallan dáhpáhuvvá álgoálbmotguovlluin.
Sámedikki presideanta Aili Keskitalo dadjá ahte ON julggaštus álgoálbmotvuoigatvuođaid birra deattasta ahte ii sáhte ávkkástallat ođasmuvvi ja eahpeođasmuvvi resurssaiguin ovdalgo guoskevaš álgoálbmot eaktodáhtolaččat ja dieđiheami vuođul lea miehtan dasa. Sihke eiseválddit, industriija, eaktodáhtolaš organisašuvnnat ja álgoálbmogat fertejit ovttas oččodit oktasaš ceavzilis boahtteáiggi.
Árktalaš ráđis leat buot gávcci árktalaš stáhta, ja guhtta álgoálbmotorganisašuvnna, dás maiddái Sámiráđđi.
Sámediggi oassálasttii Norgga sáttagoddái man olgoriikaministtar Børge Brende jođihii. Amerihká Ovttastuvvon Stáhtat váldet dál badjelasaset ovdagotti boahtte guovtti jahkái. Amerihká Ovttastuvvon Stáhtaid olgoriikaministtar John Kerry dovddahii alla gudneáŋgirvuođa Árktalaš Ráđi ektui ministtarčoahkkimis Kanadas.
Presideanta Aili Keskitalo, mobiila 971 29 305
Loga eanet dás: http://www.arctic-council.org/index.php/en/events/meetings-overview/ministerial-meeting-2015