![Palais_des_Nations (By Gryffindor (Own work) [CC BY-SA 3.0 (http://creativecommons.org/licenses/by-sa/3.0)], via Wikimedia Commons)](/var/ezwebin_site/storage/images/media/bilder/artikkelbilder/palais_des_nations-by-gryffindor-own-work-cc-by-sa-3.0-http-creativecommons.org-licenses-by-sa-3.0-via-wikimedia-commons/71877-1-nor-NO/Palais_des_Nations-By-Gryffindor-Own-work-CC-BY-SA-3.0-http-creativecommons.org-licenses-by-sa-3.0-via-Wikimedia-Commons_sameting_article_main_image.jpg "Palais_des_Nations (By Gryffindor (Own work) [CC BY-SA 3.0 (http://creativecommons.org/licenses/by-sa/3.0)], via Wikimedia Commons)")
Norgga sámiid dilli lea okta fáttáin mii erenoamážit čuvgejuvvo dalle go ON nállevealahanlávdegoddi (CERD) galgá gažadit Norgga borgemánu 17. – 18. b. Genevas. Dalle ferte stáhta vástidit mo lea ovdánahttán dásseárvvu, sihkkarastán ovttalágan vejolašvuođaid ja vuoigatvuođaid ja eastadan vealaheami etnihkalašvuođa, nationála vuolggasaji, čearddalašvuođa, liikeivnni, giela, oskkoldaga ja eallinoainnu vuođul.
ON nállevealahanlávdegoddi lea bivdán oažžut áigeguovdilis dieđuid sámi eanarivttiid birra Romssa fylkka rájes máttás guvlui, minerálaláhkaaddima rievdadusaid birra, ja dan birra movt sámit leat konsulterejuvvon buot áššiin ruvkedoaimma birra. Dasto bivdá lávdegoddi Norgga vástidit makkár doaibmabijuid bokte áigot addit nuortasámiide Njávdámis ja Báhčaveajis vejolašvuođa dasa ahte ieža sáhtášedje suodjalit iežaset boazoguohtonvuoigatvuođaid ja eará kultuvrralaš aktivitehtaid. Jerrojuvvo maiddái Sámegielaid doaibmaplána heiveheami birra, ja makkár doaibmabijuid bokte áigot buoridit oahpahusa sámegielain.
Sámediggi lea sádden iežas suoivvanraportta CERD:ii, ja áigu leat Genevas ja ieš ságastallat ON Nállevealahanlávdegottiin, ja čoahkkimiin eará orgánaiguin mat barget álgoálbmogiid rivttiiguin. Sámediggi searvá áicin dalle go CERD gažada Norgga.
Gulahallanolmmoš:
Politihkalaš ráđđeaddi Runar Myrnes Balto: +47 977 73 778
Liŋka CERD áššebáhpiriidda:
http://tbinternet.ohchr.org/_layouts/treatybodyexternal/SessionDetails1.aspx?SessionID=978&Lang=en
Sámedikki raporta lea Norga/Information from Civil Society vuolde.
Web-tv:
http://www.treatybodywebcast.org/
Fakta:
ON Nállevealahanlávdegoddi (CERD) bearráigeahččá mo Norga ollašuhttá ON Nállevealahankonvenšuvnna. CERD:s leat 18 sorjjasmeahttun olmmošvuoigatvuođaid áššedovdi. Norga raportere CERD:ii juohke njealját jagi.