Sámediggi ja Sámi dáiddárráđđi vuolláičállet ođđa ovttasbargošiehtadusa duorastaga juovlamánu 10.b. Oslos.
Beliin lea 2004 rájes leamaš ovttasbargošiehtadus, ja dálá ođđa šiehtadus lea fámus áigodagas 2016-2019.
–Šiehtadus galgá láhčit dasa ahte mis lea máŋggabealat ja rikkis sámi kultureallin boahtteáiggis. Sámi dáidagis lea stuorra veadju vuođđun sámi servodaga ovdáneapmái, ja šiehtadus galgá vuođđudit einnostanvejolašvuođa sámi kultureallimii, dadjá sámediggeráđđi Henrik Olsen.
-Dáiddáršiehtaduslea áidnalunddot, ja addá min dáiddáriidda stuorra váikkuhanvejolašvuođa sámi girjjálašvuođa,musihka, govvadáidaga ja filmma boahtteáiggi ovdáneapmái, Olsen.
Sámedikki presideanta Aili Keskitalo vuolláičállá šiehtadusa Sámedikki bealis. Ada Jürgensen vuolláičállá šiehtadusa Sámi dáiddárráđi bealis.
Šiehtadus vuolláičállojuvvo duorastaga juovlamánu 10. b. dii. 11.00 Scandic Victoria hoteallas Oslos. Vuolláičállindilálašvuohta lea rabas buohkaide.
Eanet dieđuid addá: Sámediggeráđđi Henrik Olsen, 907 75 219