Sámi giella- ja gelbbolašvuođaguovddáš Aajege háliida iskat ja duođaštit sámi báikenamaid Femunden sijtes, mii lea Gåebrien sijte og Saanti sijte oktasaš dálveguohtoneana. Aajege ákkasta ohcamis Sámediggái ahte sámi báikenamat leat ávnnaskeahtes kulturárbi, mii gaskkusta máhtolašvuođa giela, kulturhistorjjá ja eanadaga birra, ja leat mielde duođašteamen sámi leahkima ja historjjálaš gullevašvuođa eanadahkii.
Sámediggeráđđi doarju prošeavtta 50.000 ruvnnuin doarjjaortnegis báikkálaš ja guovlulaš ovttasbargu. Juolludus dávista ohcanvuđot doarjaga njuolggadusaide. Aajege lea lassin ožžon 100.000 ru njuolggodoarjjan dán prošektii Sámedikki 2018 bušeahtas.
Sámedikki presideanta Aili Keskitalo lea movtta doarjut dán deaŧalaš barggu ja dadjá ahte Aajege lea gártadan soliida fágagelbbolašvuođa dán guovllus.
- Sámi báikenamat leat jávkamin ollu sámi guovlluin. Danne lea deaŧalaš duođaštit ja suodjalit daid, vai ođđa sohkabuolvvat, norgalaš eiseválddit ja allmennet sáhttet fas daid váldit atnui. Sámi báikenamain lea maiddái máhtolašvuohta ássama ja luonddu geavaheami birra dološ rájes. Dat lea deaŧalaš bealli sámi vuoigatvuođaid nannenbarggus, dadjá Keskitalo.
Aajege lea čađahan ollu báikenammaprošeavttaid ovdal ja lea lihkostuvvan bures. Dán barggu joatkimiin earret eará kártet historjjálaš dieđuid mat čatnasit báikenamaide, registreret sámi báikenamaid kulturmuitun ja buktit duođaštuvvon ávdnasiid olámuddui olbmuide. Bargu galgá buvttihit duođaštanraportta, mii galgá leat vuođđun sámi báikenamaid gaskkusteapmái boahtteáiggis Røros-guovllus.
Jearahallama addá Sámedikki presideanta Aili Keskitalo, tel. 971 29 305