Sámediggeráđđi lea juolludan oktiibuot 266.000 ruvnnu doarjaga nuorra guolásteaddjái (22) Gálssa suohkanis Romssas gii áiggošii álgit guolástusealáhussii iežas fatnasiin ja gii háliida bivdit rabas joavkkus. Ruđaiguin maid Sámediggi lea juolludan áigu oastit fatnasa bivdosiiguin ja reaidduiguin.
Sámediggeráđđi Silje Karine Muotka (Foto: Kenneth Hætta)
- Lea deaŧalaš leat mielde huksemin aktiiva riddo- ja vuotnafanasveaga vai guolásteapmi sámi riddo- ja vuotnaguovlluin bisuhuvvo. Danne fertet doarjut nuoraid geat dasa áiggošedje searaid bidjat, dadjá sámediggeráđi Silje Karine Muotka.
Sámediggi áiggošii leat mielde huksemin lagas riddofanasveaga mearrasámi ássanguovlluin, ja vuoruha doarjaga nuorra guolásteddjiide geat leat vuosttaš geardde investeremin. Sámedikki guolástuspolitihkas lea nana áigumuš gozihit ja nannet unnimus fatnasiid vuoigatvuođaid bivdit riddo- ja vuotnaguovlluin.
- Go addit ekonomalaš doarjaga guolásteddjiide geat investerejit bivdofatnasiid ja áiggošedje álgit guolástusealáhussii, de doaivut ahte nagodit movttiidahttit ja leat mielde nannemin ássama, árvoháhkama ja barggolašvuođa sámi riddo- ja vuotnaguovlluin, dadjá sámediggeráđi Muotka.
Sámediggeráđđi juolludii duorastaga cuoŋománu 5. b. doarjaga Anders Hansen ovttaolbmofitnodahkii Gálssa suohkanis (200.000 ruvnnu fatnasii ja 66.000 ruvnnu bivdosiidda/ reaidduide). Ohcan lea bures Sámedikki bušeahttavuoruhemiid siskkobealde mariidna ealáhusaide 2018:s.
Jus háliidat eanet dieđuid, váldde oktavuođa sámediggeráđi Silje Karine Muotkain, tlf. 984 87 576