Sii leat ožžon doarjaga sihke fatnasiid ja bivdosiid oastimii.
– Dá leat buorit ovdamearkkat dasa ahte Sámediggi háliida leat mielde huksemin lagas riddofanasveaga mearrasámi ássanguovlluin, dadjá sámediggeráđi Silje K. Muotka.
Sámediggi lea gieđahallan ášši mearrasámi strategiijaid birra, ja guolásteami nannen lea deaŧalaš čuovvuleapmi mearrasámi báikegottiid nannemis.
– Sámediggi vuoruha nannosit jahkásaš bušeahtastis váikkuhangaskaomiid mearrasámi riddo- ja vuotnaguovlluid fanasveaga ovddideapmái ja nannemii. Lassin dasa ovddida Sámediggi guolástuspolitihka mas guovddážis lea unnimus fatnasiid vuoigatvuođaid riddo- ja vuotnabivdui gozihit ja nannet.
Sámediggeráđđi Silje Karine Muotka
Sámedikkis leat buorit doarjjaortnegat daidda geat iežaset fatnasiiguin háliidit guolásteaddjin álgit. Ollu ohcamat ruđaide mat gávdnojit čájehit ahte lea beroštupmi, initiatiiva ja positiiva oaidnu dasa ahte álgit guolástusealáhussii iežaset fatnasiiguin.
– Lea deaŧalaš váikkuhit dan ahte hukset aktiiva riddo- ja vuotnafanasveaga mainna bisuhivččii guolásteami sámi riddo- ja vuotnaguovlluin. Ulbmillaš váikkuhangaskaomiiguin lea Sámediggi mielde ráhkadeamen buoret rámmaeavttuid fanasveaga ođasmahttimii ja nu nannemin ođđa rekruterema guolástanfidnui, dadjá sámediggeráđi Silje K. Muotka.
Dát leat ožžon doarjaga:
Arctic Circles Holding AS, Ráisa ( 200 000 ruvdno fatnasii ja 100 000 ruvdno bivdosiid oastit)
Tomræva AS, Gálssa (300 000 ruvdno fatnasii ja 100 000 ruvdno bivdosiid oastit)
S. Skjåvik AS, Deatnu ( 200 000 ruvdno fatnasii ja 64 000 ruvdno bivdosiid oastit)
Jus háliidat eanet dieđuid, váldde oktavuođa Silje K. Muotkain, tlf +47 984 87 576, dahje e-poasta silje.karine.muotka@samediggi.no