– Suohkanat ja fylkkasuohkanat leat muhtimat Sámedikki deháleamos ovttasbargoguimmiiguin go lea sáhka seailluhit ja ovddidit sámi giela. Mii leat danin hui ilus go Aarporte gielda lea sisačálihuvvon goalmmát lullisámi gieldan ja dan bokte váldá ovddasvástádusa das ahte sámi giella galgá leat ealli giella maiddái boahtteáiggis.
Sámedikkis ja hálddašangielddain lea ovttasbargošiehtadus mat sáhttet váikkuhit buori gulahallamii ja ovttasbargui sámi giela ektui.
– Das maid odne vállje, lea mearkkašupmi sámi gielaid boahtteáigái, lohká sámediggeráđđi Lars Filip Paulsen.
Hálddašangielddain leat sámegiella ja dárogiella ovttadássásaš gielat. Dat mearkkaša ahte buohkain lea riekti oažžut bálvalusaid sámegillii go váldet oktavuođa gielddain dahje eará almmolaš etáhtaiguin.
Gulahallan: sámediggeráđđi Lars Filip Paulsen, tlf 916 18 561