Lea Sámi statistihka fágalaš analysajoavku mas lea logijagiávvudeapmi. Áigumuš seminárain lea juohkit dieđuid sámi statistihka iešguđet beliid birra ja digaštallat surggiid gos dárbbašit eanet statistihka.
Foto: Faglig analysegruppe for samisk statistikk
– Mii sáhttit suođđat ahte Sámi logut muitalit 10 sisttisdoallá deaŧalaš statistihka earret eará sámi musihka, teáhtera ja lávdedáidaga birra, sámegiela ovddideami birra nubbingiellan, doaimmashehttejuvvon sápmelaččaid vealaheapmi birra ja eanadoalu birra sámi guovlluin. Eará sisdoalu eat vuos muital, dadjá stáhtadiehtti ja Sámi statistihka fágalaš analysajoavku jođiheaddji Kevin Johansen.
Sámi musihkas lea fuomášupmi čadnojuvvon iešgudet beliide. Dás leat earret eará miellagiddevaš analysat juoiganárbevieru ja oahpahusvejolašvuođaid sohkabealdimenšuvnnaid ektui.
Sihke politihkkáriin ja sis geat barget giellaoahpahusain lea leamaš ollu fuomášupmi sámi gillii. Danne lea ohppiidlogu rievdan ja dat man muddui oahppit šaddet guovttegielagin hui áigeguovdil.
– Mis ii leat ovdamearkka dihte vuođđu čuoččuhit ahte nubbigiellaoahppit eai šatta guovttegielagin, ja dat vuolgá das go eanaš oahppit ožžot buriid árvosániid. Mii čujuhit maid riikkaidgaskasaš dutkamii mii duššin dahká myhta ahte mánát ohppet giela jođáneappot go ollesolbmot, dadjá Johansen.
Dieđusge dás eai leat dušše statistihkka, logut ja treanddat. Teáhter ja lávdedáidda lea okta dain kapihttaliin gos evttohit oainnuid ja daguid boahtteáiggi ektui.
– Eanadoalu ektui sámi guovlluin sáhttit namuhit ahte šibitdálut muhtun guovlluin leat badjel beliin unnon dan áigodagas maid geahčadit, almmá muitaleamis menddo ollu, dadjá Johansen.
Semináras áigut muđui ovddidit máŋga deaŧalaš fáddá, nugo Sámedigge- ja stuorradiggeválggaid buohtastahttin ja sámi guhkesáiggi statistihka.
Gulahallanolmmoš jus háliidat eanet dieđuid lea stáhtadiehtti Kevin Johansen. Tel. 900 56 195