Sámediggeráđđi lea duhtavaš go Sámedikki vuoruheamit sámi huksenprošeavttaide leat ožžon juolludemiid. Saemien Sijte lea ožžon juolluduvvot ođđa vistái ruđa ja maiddái plánat ođđa vistti huksema birra Beaivvážii leat namuhuvvon stáhtabušeahtas.
Henrik Olsen (foto: Åse M.P. Pulk/Sámediggi)
Sámediggeráđđi lea maid duhtavaš go Norgga Kulturfoanda oažžu lasihuvvot 2 miljovnna ruvnno ásahit ođđa ortnega jorgalahttit sámegielat girjjálašvuođa dárogillii ja eanet gaskkusteapmái sámi girjjálašvuođas. Dat mearkkaša ahte sámi girječállit besset vuovdit eanet girjjiid.
Ráđđehus árvala juolludit 2,6 proseantta Sámediggái, muhto meroštallojuvvon haddegoargŋun lea 2,7 proseantta.
– Mu mielas aŋkke ii leat dát čierrunveara, muhto mis lea ain stuora gaska hástalusaid ja juolludemiid gaskka man oažžut ovddidandihte sámi servodaga, dadjá sámediggeráđđi Henrik Olsen.
Oppalaččat Norggas lassánit olbmot, muhto sámi guovlluin lea bisánan, ja Sámediggi oaidná ahte bargosajit unnot.
– Jus mii galgat nannet sámi servodagaid, de berre Sámediggi oažžut eanet ekonomalaš fámuid dustet hástalusaid, dadjá Olsen.
Jus leat gažaldagat, dahje áigu jearahallama, váldde oktavuođa sámediggeráđiin Henrik Olseniin, tlf. 907 75 219.