Mearrádus addá stuorát vejolašvuođa bisuhit lullisámegiela ealli giellan maiddái boahtteáiggis.
Røros suohkan lea njealját lullisámi suohkan mii sisačálihuvvo sámegielaid hálddašanguvlui, ja boahtá ovttas daiguin golmma eará suohkaniiguin leat dehálaš ovttasbargoguoibmin Sámediggái lullisámegiela seailluheamis ja ovddideamis.
Hálddašansuohkaniin leat sámegiella ja dárogiella ovttadássásaš gielat. Dat mearkkaša ahte buohkain lea riekti oažžut bálvalusaid sámegillii go váldet oktavuođa suohkaniin dahje eará almmolaš etáhtaiguin.
– Mii sávvat Røros suohkanii ja álbmogii ollu lihku sisačálihemiin ja illudit ovttasbargui ovddidit lullisámegiela, dadjá Keskitalo.
Jearahallama addá presideanta Aili Keskitalo, +47 971 29 305. Govaid Keskitalos gávnnat dáppe. Daid oažžu friddja geavahit go kreditere govvejeaddji.