Sámedikki presideanta dovddaha, ođđa bismma nammadeami oktavuođas Davvi-Hålogalándda bismagottis, ahte lea ilus go ođđa bisma dovdá bures sámi diliid.
-Mun háliidan sávvat lihku proavásii Olav Øygard:ii go lea nammaduvvon ođđa bismanDavvi-Hålogalándda bismagottis, dadjá Sámedikki presideanta Aili Keskitalo.
Presidentii lea deaŧalaš go Davvi-Hålogalándda bisma dovdá bures sámi servodaga ja girkoeallima.
-Girkus lea guovddáš sadji sámi servodagas, ja lea deaŧalaš ahte bisma dovdá bures sámi diliid, árgabeaivvi ja vuoiŋŋalaš eallima. Olav Øygard nammadeapmi čuovvu dan buori árbevieru bismagottis, ja mun lean sihkar ahte son máhtuinis sámi servodaga ja sámegiela birra deavdá bures Per Oskar Kjølåsa saji, dadjá Keskitalo.
Eanet dieđut: Sámedikki presideanta Aili Keskitalo, +47 971 29 305