Guolástusdirektevra lea mearridan lasihit dorskebivdoeriid davvin 62°D fatnasiidda rabas riddojoavkkus mat bivdet riddobivdoeari siskkobealde 10 tonnain fatnasa nammii, nugo Sámediggi lei evttohan. Bivdoeari lasiheapmi boahtá fápmui otnáš rájes, bearjadaga njukčamánu 31. b.
Ráđđelahttu Per Mathis Oskal Sámedikkis lea movtta mearrádusain ja dadjá ahte lea riekta bajidit lassebivdoeari rabas joavkkus, go dál lea bissehuvvon stuorámus bivdoearri dán joavkkus, dan seammás go lea ollu guolli fidnemis.
Sámediggái leat maŋimus áiggis váldán oktavuođa guolásteaddjit dán joavkkus geat leat háliidan lasáhusa dán jagi lassebivdoearis mii lei 16 tonna. Sámediggi evttoha Guolástusdirektoráhtii ahte lassebivdoearri bajiduvvo 26 tonnii.
- Dát gájošii giđđasesoŋgga ollu guolásteddjiide mearrasámi guovlluin. Dát addá maiddái ollu buriid oalgeváikkuhusaid mearrasámi guovlluin ja addá oadjebasvuođa sihke dietnasa ektui ja báikkálaš gilibirrasiidda, dadjá ráđđelahttu Per Mathis Oskal.
Jos áiggut eanet jearahallat, de váldde oktavuođa Per Mathis Oskaliin, telefovdna +47 977 77 552.