Bargosadji lea muhtun Sámedikki kánturbáikkiin gos lea guoros sadji. Dál leat mis guoros sajit Kárášjogas, Guovdageainnus, Gáivuonas, Unjárggas, Skániin, Snoasas ja Divttasvuonas.

Barggut

Prošeavtta ulbmil
Prošeakta SáMOS - “Sámi mánát ođđa searvelanjain” lea ovddidanprošeakta mii galgá nannet kvalitehta sámi mánáidgárddiin. Prošeavtta oaiveulbmil lea čielggadit mii lea sámi mánáidgárdepedagogihka ja didaktihka filosofiija. SáMOS prošeavtta árvovuođđu váldá vuolggasaji sámi kultuvrras, árbemáhtus ja gielas. Sámi mánáidgárdepedagogihka filosofiijai leat vuođđun sámi oahppahábmen, giella, kultuvra ja árbevirolaš máhttu mat leat heivehuvvon ođđa áigái.

Barggut
Prošeaktamielbargi galgá prošeavtta SáMOS’a oaiveulbmiliid ja áigumušaid vuođul bargat ja oasálastit Árranjoavkkus, ja leat mielde ovdánahttinproseassaiguin ja dan ektui čađahit bargguid mat doppe mearriduvvojit.

Dokumenteret ja rapporteret prošeaktabohtosiid
Administratiivvalaš doaimmat, omd. organiseret čoahkkimiid, semináraid ja konferánssaid
Hábmet ja ráhkadit diehtojuohkinmateriálaid
Diehtojuohkinbargu prošeavtta doaimma ja bohtosiid birra
Hábmet bagadusávdnasiid ja digitála veahkkeneavvuid pedagogalaš bargguide
Oasálastit prošeavtta ovdánahttinbargguin
Eará barggut mat gusket prošeavtta sisdollui

Gelbbolašvuohta

Virgái gáibiduvvo oahppu allaskuvllas/ universitehtas vuosttažettiin servodatsuorggis, unnimusat bachelordásis dahje sullasaš oahppu. Áigeguovdilis bargovásáhus sáhttá muhtun muddui buhttet váilevaš oahppogáibádusa.

Muđui gáibiduvvo:

Gelbbolašvuohta sámegielas, sihke čálalaččat ja njálmmálaččat
Dovdá sámi mánáidgárddiid
Vásáhus diehtojuohkin ja mediabargguin
Hárjáneapmi prošeaktabargguin

Deattuhuvvo:

Máhttu sámi servodatdiliid birra
Buorit fágalaš kvalifikašuvnnat
Buorit gulahallan- ja ovttasbargodáiddut
Buorre njálmmálaš ja čálalaš ovdanbuktindáidu
Dáidu bargat iešheanalaččat ja ulbmillaččat
Veahkkáivuohta
Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleanta.

Bálkkás gessojuvvo 2 % Stáhta penšuvdnakássii
Buorit loatna- ja penšunortnegat Stáhta penšunkássas
Máškidis bargoáigi ja buorit čálgoortnegat
Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.

Oktavuohta

Eanet dieđuid virggi birra oaččut go válddát oktavuođa:

Doaibmi ossodatdirektevrrain Marianne Helene Storjord, tlf. +47 78 47 40 00
Prošeaktajođiheddjiin Ol-Johan Sikku, tlf. +47 78 47 40 00

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri