NRK Sámi hoavda Nils Johan Heatta lea dahkan erenomáš buori barggu hukset NRK Sámi nana ja dehálaš mediaásahussan sápmelaččaide, lohká sámediggeráđđelahttu Henrik Olsen, maŋŋilgo Heatta otne celkkii ahte heaitá hoavdan.
NRK Sámi hoavda Nils Johan Heatta heaitá hoavdan NRK Sámis. Heatta lea leamaš hoavda 1985 rájes.
Sámediggeráđđelahttu Henrik Olsen lohká NRK Sápmi lea Nils Johan Heatta áiggis nannen iežas sajádaga sámi álbmoga guovdu, ja lea dat deháleamos media gáskkustit sámi áššiid.
-NRK Sápmi lea okta daid deháleamos ásahusain ovddidit sámegiela, kultuvrra ja demokratiija. Nils Johan Heatta lea leamaš višuneara, duostil ja ovdavážži ovddidit sámi mediafálaldaga boahtte áigái, lohká Olsen.
-Sámediggi sávvá sutnje ollu lihku viidásat, loahpaha Olsen
Eanet dieđut: Henrik Olsen, 907 75 219
Loga eambbo: http://www.nrk.no/sapmi/nils-johan-heatta-slutter-som-sjef-1.12327742