Eiras leat stuorra vuordámušat ráđđái.
– Mun dieđán ahte ovddit ráđđi barggai áŋgirit ja mun jáhkán dát maiddái doaibmá áŋgirit.
Sámedikki vuorasolbmuidráđđi lea ráđđeaddi orgána Sámediggeráđđái ja veahkeha Sámedikki vuorasolbmuid politihka hábmemis. Vuorasolbmuidráđđi sáhttá maiddái ieš vuolggahit áššiid Sámediggeráđđái.
– Sámi servodahkii lea hui deaŧalaš ahte Sámedikkis lea vuorasolbmuidráđđi, go min boares olbmot leat stuorra resursan midjiide go jurddašit máhtu fievrrideami, historjjálaš fákta ja erenoamážit go jurddašit buriid dearvvašvuođafálaldagaid vuoras sápmelaččaide, dadjá Eira.Buot listtat leat buktán evttohusaid ja leat ožžon juogo fásta dahje várrelahtu. Várrelahtut leat ráiddu mielde. Mii mearkkaša dan ahte eai leat persovnnalaš várrelahtut. Danne vai lea álkidit oažžut várrelahtu čoahkkimii jos fásta lahtut dieđihit heaibama.
Lahtut:
Jođiheaddji: Julie Eira, Guovdageaidnu, Oarje-Finnmárku
Ester Fjellheim, Tromsdalen, Romsa
Ingolf Kvandahl, Bálát, Nordlánda
Lars N. Bransfjell, Brekkebygd, Trøndeláhka
Berit Ellen Nikkinen Varsi, Kárášjohka, Nuorta-Finnmárku
Várrelahtut:
Ingrid Jåma, Oslo, Mátta-Norga
Laila Somby Sandvik, Kárášjohka, Nuorta-Finnmárku
Inge Andersen, Lodek, Nordlánda
Jarl Even Roska, Unjárga, Nuorta-Finnmárku
Hans Eriksen, Deatnu, Nuorta-Finnmárku
Jus leat gažaldagat, váldde oktavuođa sámediggeráđiin Juhána Biera Biret Márjá/Berit Marie P.E. Eira, mob. +47 913 28 626.
Govat sámediggeráđis ja/dahje ráđđelahtus Juhána Biera Biret Márjjás