Sámedikkis lea stipeandaortnet mii lea oaivvilduvvon joatkkaskuvllaid ohppiide, geat váldet fágaid design ja duoji váldooassin fágain. Ortnet guoská maiddái Norgga beale Sámi ohppiide geat váldet birrajagi duodjeoahpuid Sámij åhpadusguovdásjis Johkamohkis Ruoŧa bealde.
Stipeanda addojuvvo gelbbolašvuođa buorideapmái ja gártadeapmái, ja lea oassi Sámedikki bajimuš mihttomearis ahte váikkuhit eanet ealáhuslaš duoji ovddideami.
- Dát stipeanddat leat deaŧalaččat doarjut nuoraid geat háliidit váldit duodjeoahpu, ja geat dieinna lágiin váikkuhit ođđa duojáriid oažžuma, dadjá sámediggeráđđi Hans Ole Eira.
Golbma stipeanddain mannet Sámij åhpadusguovdásja ohppiide. Guokte oahppi leat ožžot stipeandda geain lea Jo1 duodji, design ja buvttaovddideapmi duojis váldooassin fágain Guovdageainnus. Eará stipeandaoažžut leat jo2 design ja duoji oahppit Guovdageainnus.
Eanet dieđuid addá dahje addá jearahallama, váldde oktavuođa sámediggeráđđái Hans Ole Eira (Guovddášbellodat), tel 918 61 471 dahje e-poasta hans.ole.eira@samediggi.no