Almmuhan
Kuhmunen, John-Marcus.
Maŋumustá rievdaduvvon 31.03.2006
- Mun in leat duhtavaš Barentsábi ja Lofoahta mearraguovlluid hálddašanplána evttohusain, cealká Keskitalo. Eamiálbmot beroštumit eai leat vuhtiiváldjuvvon hálddašanplánas. Sámediggi lea ovdal cuiggodan dán, muhto ii leat vuhtiivaldojuvvon, lohka Keskitalo.
- Dán guovllu ollislaš hálddašanplána ferte doahttalit Norgga vuođđolága ja eamiálbmotrievttalaš geatnegasvuođaid sápmelaččaid ektui. Dán áigu Sámediggi čuovvilit Ráđđehusa ja Stuorradikki ektui, loahpaha Keskitalo.