Lávegoddi mas lea stuorra julevsámi ovddasteapmi, lea ráhkadan plánaid. Lávdegotti jođiheaddjit, Árran julevsámi guovddáža direktevra Filip Mikkelsen ja Nordlándda fylkkamánni fylkkabirasgáhttenhoavda Roar Høgsæt, geigiiga raportta oktan organiserenevttohusain, čielggadanprográmmain ja ovdánanplánain várrepresidentii ja stáhtaráđđái.
- Raporta lea hui deaŧalaš veahkki Sámedikki bargui oažžut sierra njuolggadusaid sámi guovlluid suodjalanbargguide. Nu lea Divttasvuona/Oarjevuona lávdegoddebargu doaibman ovdagovvan mo suodjalanbargu sámi guovlluin berre dahkkojuvvot. Deaŧalaš lea ahte dat mearrádusat mat dahkkojuvvojit suodjaleami oktavuođas, bidjet báikki olbmuid kulturáddejumi ja luonddugeavaheami vuođđun, dadjá várrepresideanta Johan Mikkel Sara.
- Mus lei ávkkálaš ságastallan birasgáhttenministariin Helen Bjørnøyain odne sámi guovlluid suodjaleami birra. Mis lea konstruktiiva gulahallan Birasgáhttendepartemeanttain dán fáttás, ja mii doaivut olahit ovttamielalašvuođa njuolggadusaid dáfus hui fargga. Mis lea sihke áddejupmi ja dáhttu dasa, dadjá Sara.