PRD: Sámediggi kvalitehtadárkkista sámi namaid almmolaš ásahusain
Sámediggi áigu veahkkin kvalitehtasihkkarastit sámi namaid almmolaš ásahusain ja etáhtain. Almmolaš ásahusaid sámi namaid jorgaleapmi, mearrideapmi ja kvalitehtassihkarastin lea ovttasbargu gaskal Sámedikki, Bargo- ja searvadahttindepartemeantta ja SamIT.
Almmuhan
Kuhmunen, John-Marcus.
Maŋumustá rievdaduvvon 19.04.2006
- Maŋemus áiggiid leat eambbo almmolaš ásahusat ja etáhtat geat leat álgán fállat bálvalusaid sámegillii. Dát lea movttiidahtti ja lea maid dan maid Sámediggi lea ohcalan, namalassii ahte almmolaš bálvalusaid sámegiel geavaheddjiide lea dehálaš ahte sii ožžot fálaldagaid iežaset eatnigillii, lohká várrepresideanta Johan Mikkel Sara.
Ovttasbargu doaibma dainna lágiin ahte Sámediggi veahkeha jorgaleddjiid ja earáid almmolaš ásahusaid dahje etáhtaid sámegiel namaid kvalitehtasihkarastimiin, ja dan maŋŋel sádde evttohusa Bargo- ja searvadahttindepartementii ja SamIT:ii registreremii ja almmuheapmái.
- Sámediggi lea iežas gielladieđáhusas cealkán ahte Sámediggi áigu movttiidahttit almmolaš ásahusaid, etáhtaid ja orgánaid atnit sámegiela. Almmolaš ásahusaid ja etáhtaid sámegiel namaid kvalitehtasihkarastin lea okta dáin doaimmain. Go ráhkada dákkár bargovuogi de šaddá váddásit vuos váldit atnui nama mii maŋŋel soaitá rievdaduvvot, loahpaha Sara.
Makkár almmolaš ásahusain lea sámegiel namma gávdná SamITa interneahttasiidduin: www.samit.no/termer.htm ja Sámedikki interneahttasiidduin www.samediggi.no
|
Johan Mikkel Sara
|
|
Sámedikki várrepresideanta
|
|