Almmuhan
Kuhmunen, John-Marcus.
Maŋumustá rievdaduvvon 20.04.2006
- Oahppoplánas sámegiella nubbingiellan lea erenoamáš struktuvra jus buohtastahttá buot eará oahppoplanáiguin Máhttoloktemis. Plána lea heivehuvvon ohppiide geat máhttet ja geat eai máhte sámegiela ovdalaččas dainna jurdagiin ahte buot oahppit movttiidahttojuvvujit oahppat sámegiela, dadjá ráddelahttu Jarle Jonassen.
Oahppoplánat leat mearriduvvon oahpahuslága vuođul, leat olles 13 jagi skuvlamannolahkii mii fatmmasta vuođđoskuvlla ja joatkkaoahpahusa, ja dat gustojit oahpaheapmái vuosttašgielas ja nubbingielas sihke davvi-, julev- ja lullisámegielas.
- Oahppoplánat addet ollislaš ja čađačuovvu oahpahusfáladaga sámegielas olles vuođđooahpahussii ja sáhttá mearkkašit sámegiella nannema, loahpaha Jonassen.