- Sámediggeráđđi lea nammadan evttohasaidis dan gelbbolašvuođa vuođul, maid mii oaivvildit dárbbašuvvo dearvvašvuođadoaimmaid stirvrrain, nu ahte ásahuvvo sámi perspektiiva ja dan láhkai nannejuvvojit dearvvašvuođabálvalusat sámi álbmoga várás, dadjá Tretnes.
Sámediggeráđđi lea dattetge hirpmástuvvan go Davi Dearvvašvuođas eai leat sámi áirasat buot guovllu dearvvašvuođadoaimmain.
- Sávašeimmet ahte Davi Dearvvašvuohta oinnášii sámi áirasiid mávssolažžan buot dearvvašvuođadoaimmaid stirvrrain. Aiddo fal dain guovlluin gos sámit leat marginaliserejuvvon, lea dárbu ahte stivrrain lea gelbbolašvuohta ja máhtu sámi čuolbmačilgehusain ja dain hástalusain, mat čatnasit álgoálbmoga dearvvašvuođabálvalusaide, oaivvilda Tretnes.