Almmuhan
Kuhmunen, John-Marcus.
Maŋumustá rievdaduvvon 18.05.2006
- Sámediggeráđđi lea evttohan dievasčoahkkimii demokráhtalaš proseassa ja gulaskuddama 2006 čavčča mielde. Gaskaboddasaš njuolggadusat leat deaŧalaš vuođđun beroštumi boktimii, digaštallamii ja evttohusaide viidáset mearrádusproseassas, lohká Keskitalo.
Fylkkasátnejođiheaddji Kisti Saxi lea sihtan sámediggepresideantta bissehit njuolggadusaid meannudeamis ja baicce bidjat gulaskudddama johtui. Reivvesttis, maid sámediggepresideanta lea sádden Saxii, vástida son ahte Sámediggeráđdi doalaha oavvilis ahte gaskasboddosaš njuolggadusat meannoduvvojit boahtte dievasčoahkkimis ja sáhttet fámus go finnmárkkuláhka gustogoahtá suoidnemánu vuosttas beaivvi dán jagi.
- Jus proseassa bissehuvvo, de sáhttet hálddašanorgánat dahkat mearrádusaid mat váikkuhit sámi kultuvrra ja ealáhusaid ovdalgo váikkuhusat árvvoštallojuvvojit erenoamážit. Dakkár dili háliida
Sámediggeráđđi eastadit, ja danne leat ge atnán dárbbašlažžan válmmastit gaskaboddasaš njuolggadusaid fápmuiboahtima rádjai. Lea deaŧalaš muitit ahte njuolggadusat galget veahkkin ja bagadussan eiseválddiide ja Finnmárkkuopmodahkii go galget árvvoštallat movt sámi beroštumit váikkuhuvvojit rievdaduvvon meahccegeavaheamis, loahpaha Keskitalo.