2,6 miljon ruvnno lea addon čáppagirjjálašvuođa almmuheapmái, ja 1,5 miljon ruvnno lea addojuvvon iešguđet ealáhusprošeavttaide.
Oktiibuot lea addojuvvon doarjja 17 girjeprošektii, main 2 leat jietnagirjji. Dán 17 prošeavtta gaskkas ledje 11 mánáid- ja nuoraid girjeprošeavtta. 1,2 miljon ruvnno juolluduvvui CD-almmuhemiide. Oktiibuot ožžo 10 CD-prošeavtta doarjaga; dás okta addojuvvui doarjjan nuorra artistii, ja árbevirolaš juoigan CD:ii. Skiippagurrafestiválii juolluduvvui 100.000 ruvnno jagi 2006.
1 466 000 ruvnno juolluduvvui iešguđet ealáhus- ja kulturprošeavttaide. Earret eará oaččui Duoddára Ráfe 117 000 ruvnno bihtánsámi guovddáža ođđasis ruhtadeami oktavuođas. Doarjjastivrra mielas lea deaŧalaš addit guovddážii vejolašvuođa joatkit barggu viidásetovddidit bihtánsámi kultuvrra Sámedikki bajimuš mihttomearrái dávistettiin ahte sámiin galgá leat duohta vejolašvuohta bargat kultuvrrain. Dasto juolluduvvui eanadoallodoaibmabijuide Romssas 400 000 ruvnno ja guolástus¬doaibmabijuide 370 000 ruvnno.
Eará juolludeamit manne ealáhusásahemiide ja doaibmabijuide maid mihttomearrin lea oainnusin dahkat sámi kultuvrra oppalaččat.