Ođastus váldojuvvo atnui dađistaga ja čakčat 2006 váldojuvvojit atnui oahppoplánat vuođđoskuvlla 1. – 9. luohkáide ja joatkkaceahkkái.
Máhttodepartemeanta mearridii geassemánu 29. b. 2006 ođđa oahppoplánaid Máhttoloktemii – Sámegiella, maid ráhkadeames lea Sámedikkis leamaš erenoamáš ovddasvástádus.
Čuovvovaš ođđa oahppoplánat leat mearriduvvon:
-Oahppoplánat dábálaš fágaide vuođđo- ja joatkkaskuvllas: Luonddufága ja dárogiella ohppiide geain sámegiella lea vuosttaš giella.
- Oahppoplánat vuođđoskuvlii: Risttalašvuođamáhttu-, osku- ja eallinoainnumáhttu, servodatfága, duodji ja biebmu ja dearvvašvuohta.
- Árat dán jagi mearridii Sámediggeráđđi ođđa oahppoplánaid sámegiela vuosttaš- ja nubbin giela oahpahussii.
-Máhttodepartemeanta lea Sámedikkiin ráđđádallama maŋŋá mearridan fága- ja diibmojuogu vuođđo- ja joatkkaskuvlii ohppiide geain lea oahpahus sámegielas.
Dasa lassin lea dál sámi oahppoplánaid gulaskuddanvuorru joatkkaskuvlla 2. ceahkkái Boazodoallu ja joatkkaceahkkái 2 Hábmen ja duodji. Gulaskuddanáigemearri dáidda lea biddjojuvvon čakčamánu 29. b. dán jagi.
Vel čieža sámi oahppoplána joatkkaskuvlla várás sáddejuvvojit gulaskuddamii čakčat.
Almmuhan
Magga, Sárá Márja.
Maŋumustá rievdaduvvon 14.07.2006