PRD: Gulaskuddan rievdan meahcce¬geavaheami njuolggadusain
Sámediggi lea ráhkadišgoahtán bissovaš njuolggadusaid rievdan meahccegeavaheami váste Finnmárkkus. Dan oktavuođas bovdet buot berošteaddjiid ovddidit oainnuid Sámedikki njuolggadusaid sisdollui. Gulaskuddanáigemearri lea golggotmánu 15. b. 2006.
Almmuhan
Magga, Sárá Márja.
Maŋumustá rievdaduvvon 18.07.2006
- Mii háliidit viiddis ja álbmotlaš gulaskuddanproseassa bissovaš njuolggadusaid hábmema oktavuođas. Deaŧalaš lea ahte álbmot ádde ja dohkkeha njuolggadusaid ja Finnmárkkulága sisdoalu. Danne áigut mii čađahit rabas ja searvadeaddji proseassa gitta gulaskuddanáigemeari lohppii, dadjá doaibmi presideanta Terje Tretnes.
Sámediggi lea bidjan sierra neahttabáikki gosa buot dárbbašlaš dieđut leat čohkkejuvvon, ja gosa lea maiddái vejolaš sáddet iežas oainnuid njuolga. Ávžžuhit buot áššeoasálaččaid geat háliidit buktit árvalusaid searvat aktiivvalaččat. Dasto áigu Sámediggi čađahit sierra čoahkkimiid Finnmárkku fylkkagielddain, gielddaiguin ja guoskevaš organisašuvnnaiguin čakčat 2006.
|
Terje Tretnes
|
|
Sámediggeráđđelahttu
|
|