Internašunála eamiálbmotbeaivi

Borgemánu 9. beaivi lea ONa internašunála eamitálbmotbeaivi. Eamitálbmotbeaivi mearridii ONa váldočoahkkima juovlamánu 23. beaivvi 1994is. Beaivi markere ON eamitálbmot bargojoavkku vuosttaš čoahkkin lei 1982. Bargojoavku lei oassi ON olmmošvuoigatvuođabarggus.

- Eamitálbmotbeaivi lea beaivi mas oktiigullevašvuohta ja oktavuođadovdu. Fertet muitit ahte eanaš eamitálbmogat ellet váttis dilis. Dan dihte lea movttat ahte dán geassi lea lihkostuvvan šiehtadallamiiguin ON-julggaštus eamiálbmot vuoigatvuođain. Go ON váldočoahkkima 2006 mielde mearridit julggaštusa de dat nanne eamiálbmogiid dili miehta máilmmi, lohká sámediggepresideahta Aili Keskitalo.

ON eamiálbmot bargojoavku álggii bargat julggaštusain 1984is. ON olmmošvuoigatvuođa ráđđi dohkkehii julggaštusa geassemánu 29. beaivvi ja mearridii sáddet dan viidáseappot ON váldočoahkkimii loahpalaš dohkkeheapmái.

- Eamiálbmogiid vuoigatvuohta iešmearrideapmái lea váttis fáddá stáhtaide. Lea mielddisbuktán politihkalaš proseassaid mat leat adjánan logiid jagiid. Barggut ja šiehtadallamat eamiálbmot julggaštusain lea adjánan badjel 20 jagi. Seamma guoská dát politihkalaš prosessii oažžut dohkkehuvvot sámit vuoigatvuođaid Norggas. Lea guhkes ja váttis proseassat mat addet buoremus ja dehálaččamus bohtosiid. Lea dehálaš muitit dan odne, loahpaha Keskitalo.