Prošeavtta vuosttaš vuorus leat mielde moadde áitti ja viessu. Visttit galget divvojuvvojit ja duođaštuvvot, ja seammás čállojuvvo visttiid birra historjá.
Dán barggu bokte háliida Sámediggi oažžut vásihusaid ja ásahit rutiinnaid movt sámi visttit galget divvojuvvot ja duođaštuvvot.
Ovttasbargu
Sámediggi lea álggahan ovttasbarggu Deanu gielddain ja Sirpmá giliservviin. Roald Renmælmo ja Siv Holmin Málatvuomis galgaba čađahit barggu ovttasráđiid báikkálaš snihkkáriiguin. Áigumuššan lea joatkit prošeavttain ja dađistaga divvut buot 46 ráfáidahttojuvvon viesu Sirbmáguovllus.
Riikaantikvára lea juolludan ruđaid prošektii.