ICOMOS Norga lea fágalaš forum mii bargá máilmmeárbečuolmmaiguin ja kulturmuitoáššiiguin Norggas. ICOMOS lea ON:a oahpahus-, dieđa- ja kulturorganisašuvnna (UNESCO) ráđđeaddiorgána kulturmuitoáššiin.
ICOMOS lea dál ráhkadan listtu mas leat 25 huksehusa ja maid dat oaivvilda ovddastit buoremusat 20. jahkečuođi arkitektuvrra Norggas. Sámediggeviessu Kárášjogas lea daid searvvis.
- Sámediggeviessu lea sihke kultuvrralaččat, historjálaččat ja arki¬tek¬tuvrralaččat deaŧalaš kulturmuittuid oktavuođas. Huksehus govvida dan movt politihkka ja kultuvra Norggas leat ovdánan ja maid sámiid ektui, čilge prošeaktajođiheaddji Eirik Bøe.
Ulbmil ICOMOS (International Council on Monuments and sites) bargguin lea nannet beroštumi ja máhtolašvuođa 20. jahkečuođi arkitektuvrra birra. Listu mii lea ráhkaduvvon gártá leat Norgga oassi máilmmeviidosaš geahčastahkii 20. jahkečuođi arkitektuvrra hárrái.
Eará huksehusat ICOMOS Norgga listtus leat Aker Brygge, Sálašvákki girku ja šaldi, Gardermoen girdišillju ja OL-rusttet Lillehammeris.