- Gábas lea deaŧalaš doaibma áidna publikašuvdnan mainna lea heivvolaš duođaštit nissonolbmuid dili sámi servodagas. Bláđđi váikkuha šláddjivuođa sámi mediagovas, ja dat čállá dakkár áššiid ja áššesurggiid birra maid birra eai nu galle eará publikašuvnna čále. Danne lea lunddolaš ahte Sámediggi láhčá bláđđái vejolašvuođa einnostit doaimmas boahtteáiggi, dadjá Sámedikki presideanta Aili Keskitalo.
Sámediggi lea 2006:s juolludan 400.000 ruvnno Gába doibmii. Dáinna lassijuolludusain, lea ollislaš juolludus Gábai 2006:s 500.000 ruvnno.