- Dát mearkkaša ahte Nuortasámi musea oažžu vejolašvuođaid beassat veahkehit ođđasis ealáskuhttit nuortasámi kultuvrra. Mii leat guhká vuordán dán mearrádusa, ja erenoamážit lea nuortasámi álbmot vuordán doarjaga stuorraservodagas, dadjá Sara.
Ráđđehus evttoha 20 miljon ruvnno investern- ja doaibmaruhtan Nuortasám museii Njávdámis. Ruđat galget sihkkarastit huksema ja seammás ruhtadit musea boahttevaš čájáhusaid plánema. Ája Sámi Guovddážii evttohuvvo juolludit 1;5 miljon ruvnno lanjaid nuppástuhttimii ja ođđa lanjaid huksemii. Njávdán musea huksen álggahuvvo 2007 geasi.