- Davviguovlluid ovdánahttin buktá vejolašvuođaid, muhto dat maiddái áitet, sihke sámi servodaga ovddideami ja Arktisa eamiálbmogiid posišuvnna ektui. Lea dárbbašlaš árvvoštallat daid iešguđetlágan ovddidanvhámiid ovttas vai sáhttá sihkkarastit ahte boahttevaš ealáhusovddideami árvu davvin maiddái boahtá eamiálbmogiidda buorrin, deattuha sámediggepresideanta Aili Keskitalo.
Sáhkavuoru doallit leat earret eará Arktisa Ráđi eamiálbmotčállingotti jođiheaddji Rune Fjellheim, petroleumgávpelágádusa Eni Noreg DBS-jođiheaddji Liv Nilsen, báktehoavda Per Zakken Brekke, exploration manager Jim Coppard American Anglo minerálaásahusas, Store Norske Gull AS Jørgen Stenvold, ja Guovdageainnu suohkana sátnejođiheaddji Klemet Erland Hætta.
- Sámi servodat šaddá gulahallat riikasaš ja riikkaidgaskasaš gávpelágádusaiguin geat háliidit beassat luondduresurssaide sihke nannámis ja olggobealde mearragátti. Hástalussan šaddá ásahit buriid hálddašanstivrraid mat sihkkarastet resurssaid ceavzilis ávkkástallama dan ovdáneami ektui mii lea sávahahtti sámi servodahkii, dadjá Keskitalo.
Seminára lágiduvvo Sámedikkis Kárášjogas, ja álgá dii. 09.00.