Sámediggi bovde buktit gulaskuddancealkámušaid Oahpahusa prinsihpaid - sámi evttohussii mii galgá leat oassin Máhttolokten - Sámi oahppoplánabuksosii, gulaskuddanáigemearri lea ođđajagimánu 31. beaivi 2007.
Mii bivdit gulaskuddanásahusaid buktit cealkámušaid das čiekŋuda ja čielggasmahttá go Oahpahusa prinsihpat – sámi gulaskuddanevttohus sámi vuolggasajis ja perspektiivvas, daid prinsihpaid maid vuođu ala sámi skuvla berre huksejuvvot.
Gulaskuddanevttohus lea sámegillii ja dárogillii. Gulaskuddanásahusat válljejit ieža makkár gillii áigot buktit cealkámušaid. Mii bivdit gulaskuddanásahusaid buktit cealkámušaid elektruvnnalaččat.
Gulaskuddanáigemearri:
ođđajagimánu 31. beaivi 2007.
Gulaskuddanevttohusa
Gulaskuddanevttohusa vuođđun lea "Prinsipper for opplæringen i Læreplanverket for Kunnskapsløftet", ja čiekŋuda ja čilge sámi vuolggasajis ja sámi perspektiivvas, daid prinsihpaid mat berrejit leat vuođđooahpahusa vuođđun sámi skuvllas. Oahpahusa prinsihpat - sámi galget:
• leat geatnegahtti buot dásiin vuođđoskuvllas ja joatkkaoahpahusas ohppiide geat ožžot oahpahusa Máhttolokten - Sámi oahppoplánabuktosa mielde
• oktiigeassit ja čiekŋudit oahpahuslága ja láhkaásahusa mearrádusaid, das maid Máhttolokten - Sámi oahppoplánabuvttus, ja dan ferte geahččat buot njuolggadusaid vuođul.
• leat mielde čielggasmahttime skuvlaeaiggáda ovddasvástádusa fállat oahpahusa mii čuovvu lága ja láhkaásahusaid, olmmošvuoigatvuođaid ja álgoálbmotvuoigatvuođaid ja mii lea heivehuvvon báikkálaš ja oktagasláš eavttuid ja dárbbuid mielde
• leat vuođđun vuođđooahpahusa kvalitehta viidásetovdánahttimis ja skuvlla ja oahppofitnodaga systemáhtalaš árvvoštallamis
• lunddolaš oassi báikkálaš oahppoplána barggus
• čielggasmahttit skuvllaid ja oahppofitnodagaid ovddasvástádusa das ahte oahppit ja fidnooahppit ožžot oahpahusa mii ovddida máŋggakultuvrralaš ja sosiálalaš gealbbu, oahppanstrategiijaid ja movtta.