Sámi parlamentáralaš ráđđi čujuha dasa, ahte dálve-OG davvin, masa gullet maid álgoálbmogat, lokte álgoálbmotfokusa olles riikkaidgaskasaš servodagas.
Dálve-OG sámiid guovlluin ja sámit mielguossoheaddjin rájáidrasttildeaddji oainnus nannešii sámi servodat- ja identiteahttahuksema olles Sámis.
Sámi parlamentáralaš ráđđi čujuha dasa, ahte dain Norgga 2018 dálve-OG ohccigávpotkandidáhtain, lea Romsa váldán mielde sámiid mielguossoheaddjin, ja áigu maid bovdet eará árktalaš álgoálbmogiid mielde. Nu gilvvut sáhttet representere stuora vejolašvuođaid ovddidit sámi valáštallama guovddáš osiid, kultuvrra ja ealáhuseallima rájáidrasttildeaddji oainnus, seammás go dat veahkeha čalmmustahttit álgoálbmogiid eksisteanssa máilmmis.
Dáinna duogážiin Sámi parlamentáralaš ráđđi ávžžuha Norgga válljet Romssa našunála kandidáhttan lágidit olympia dálvegilvvuid jagi 2018.