PRD: Aili Keskitalo ođđa presideanta Sámi parlamentáralaš ráđis
Aili Keskitalo lea válljejuvvon Sámi parlamentáralaš ráđi presideantan. Son válljejuvvui 16 mánu ovddas Sámi parlamentáralaš oktasaš čoahkkimis Troanddimis. Keskitalo hálida vuoruhit Davviriikkalaš sámekonvenšuvnna ovddasguvlui.
Almmuhan
Kuhmunen, John-Marcus.
Maŋumustá rievdaduvvon 08.03.2007
Sámi parlamentáralaš ráđđi lea Norgga, Ruoŧa ja Suoma sámedikkiid ovttasbargoorgána. Sámi parlamentáralaš ráđi bargui gullet áššit mat gusket sámiide rastá riikarájiid. Sámi parlamentáralaš ráđđi galgá doaibmat oktasašorgánan ja galgá gozihit sámiid beroštumiid ja nannet sámiid ovttasbarggu riikarájiid rastá. Sámiráđis ja ruoššabeale sámiin lea áicisadji ráđis.
Jođiheaddjidoaimmat mannet vuoruid mielde gaskal dan golmma sámedikki, nu ahte buot sámedikkiin lea 4-jagi áigodagas presideanta dahje várre-presideanta 16 mánu.
Sámi parlamentáralaš ráđđi lea mearridan ahte čállingoddin galgá doaibmat dat Sámediggi mas lea presideanta.