Ráđđi reagere erenoamážit earreoastingeahpedusa ásaheapmái. Dát mearkkaša stuorát gánnáheami stuorra guolleovttastumiide.
- Oanehaččat daddjojuvvo dát mearkkaša eanet ja eanet riggodaga ja stuorát vuoittu daidda hárvenaš oassálastiide, geat dál jo riggot searvevuođa guolleresurssaiguin. Dát lea áibbas vuostá Sámedikki politihka, ja vuostá dan mii lea rittu álbmogii buorrin, dadjá Sámedikki presideanta Aili Keskitalo.
Daid guollefatnasiid eriid gávppašeapmi, mat leat gaskal 11 ja 15 mehtera, sáhttá mielddisbuktit dán fanasjoavkku dramáhtalaš geahpedeami ja vaikke beallideami ge. Sámediggeráđđi oaivvilda ahte dát fanasjoavku lea hui deaŧalaš rittu ássamii, ja lea dáhkádussan dohkálaš guolleresursahálddašeapmái. Sámedikki presideanta Aili Keskitalo oaivvilda ahte ráđđehus lei berret sirdit eriid áhpefatnasiin riddo- ja vuotnaguolásteaddjiide.
- Ráđđehusas lei dál historjjálaš vejolašvuohta sirdit resurssaid ruovttoluotta riddoálbmogii. Dan sajis válljii ráđđehus bidjat riddoálbmoga eallinvuođu vuovdimassii sidjiide geat fállet alimus hatti. Odne lea lossa beaivi, loahpa Keskitalo.