Sámediggi juolluda stipeandda earenoamášpedagogalaš oahpuide.
Ulbmiljoavku
Stipeandda váldoulbmiljoavku leat sámegielat fágaolbmot Norggas, geat váldet earenoamášpedagogalaš oahpu ja barget sámegielat mánáiguin, nuoraiguin ja rávesolbmuiguin, geat dárbbašit earenoamášpedagogalaš heiveheami. Giellagáibádusas sáhttá spiehkastit, jus ohcci boahtá dakkár guovllus gos leat uhccán mánát, nuorat ja rávesolbmot geain lea sámegiella vuosttašgiellan.
Vuoruheapmi
Sámediggi vuoruha ohcciid julev- ja lullisámiguovlluide. Davvisámi guovlluin vuoruhuvvojit ohcciid geat váldet unnimusat 60 oahppočuoggá dahje alit oahpu.
Juolludaneavttut
Earenoamášpedagogalaš oahppu ferte leat allaskuvlla dahje universitehta dásis. Jus lea joatkkaoahppu, de ferte leat unnimusat 30 čuoggá čiekŋudeapmi earenoamášpedagogihkas. Jus lea vuođđooahppu de ferte leat unnimusat bachelorgrádadásis, 180 čuoggá. Davvisámi guovlluin vuoruhuvvojit ohcamat 2. ossodagas ja bajás.
Stipeandda sáhttá ohcat bachelorgrádii (180 čuoggá), lasahus earenoamášpedagogihka bachelorgrádii (60 čuoggá), mastergrádii (120 čuoggá) dahje ámmátohppui.
Sámediggi ii juoge stipeandda eambbo go oktii juohke dásis, muhto seamma ohcci sáhttá oažžut stipeandda guovtti sierranas dásis. Seamma gusto ohcciide, geat váldet earenoamášpedagogihka vuođđooahppun. Sáhttá ohcat eanemusat 25 000 ru stipeandda oahpuide mat leat unnimusat 30 oahppočuoggá ja eanemusat 50 000 ru oahpuide mat leat unnimusat 60 oahppočuoggá.
Ohcanáigi
01.10.07.
Eanet dieđut
Telefovdna 78 47 40 00
Telefáksa 78 47 40 90
samediggi@samediggi.no