Ráđđelahttu Jarle Jonassen oaivvilda ahte bušeahttaproseassa čájeha ahte lea dárbu rievdadit bušeahttaproseassa Sámedikki ja ráđđehusa gaskka.
- Ráđđehus dovdá bures dili ja diehtá daid stuorra ekonomalaš dárbbuid birra mat leat ealáhus- ja kultursuorggis sámi servodagas. Min ovddabealde leat ollu hástalusat go guoská sámi oahpponeavvuid ovddideapmái, sámi ealáhusaid ja sámi girjjálašvuođa ovddideapmái, namuhan dihte oasi. Danne lea ahkit go ráđđehus dattetge ii veahket gokčat dáid dárbbuid, dadjá Jonassen.
Dál vuordá Sámediggeráđđi ahte ráđđehus johtilit čuovvola raportta Sámedikki formalalaš sajádaga ja bušeahttaprosedyraid birra. Raporttas evttohuvvo ahte ásahuvvojit bušeahttaprosedyrat jahkásaš bajimuš ekonomalaš rámmaid mearrideapmái Sámedikki ja eará sámi doaibmabijuid váste.
- Sámedikki dálá bušeahttaortnet ja eará sámi ulbmiliid váste lea vuorddekeahtes ja bidjá sámi servodaga fámohis dillái juohke bušeahta oktavuođas. Danne vuorddán mun ahte Sámediggi ja ráđđehus barget johtilit oažžut ođđa prosedyraid bušeahtajuohkimii, dadjá loahpas Jonassen.