Sártnistis ONa bistevaš eamiálbmotforumii dán vahkus dajai Keskitalo ahte eamiálbmogiid vuoigatvuođat lundui ja resurssaide fertejit nannoseappot suodjaluvvot.
- Álbmotstáhtat fertejit, ovttas eamiálbmogiiguin, identifiseret daid eanaviidosiid gos eamiálbmogat ellet ja maid sii geavahit. Stáhtat fertejit fuolahit ahte lágat suodjalit rievttálaččat eamiálbmogiid oamastanvuoigatvuođaid, resursaávkkástallanvuoigatvuođaid ja birgenláhkevuoigatvuođaid, dajai presideanta Aili Keskitalo.
Dan oktavuođas ferte ásahit rabas ja dásseárvosaš konsultašuvdnavugiid eamiálbmogiid ja eiseválddiid gaskkas, ja nu dahkat vejolažžan oččodit vuoiggalaš ja gánnáhahtti šiehtadusiad mo ávkkástallat eamiálbmogiid árbevirolaš guovlluid luondduresurssaiguin.
Sáhkavuorustis válddii sámediggepresideanta maiddái ovdan dálkkádatrievdamiid stuorra váikkuhusaid davviguovlluid eamiálbmogiidda.
Keskitalo sártnui Bistevaš Foruma Árktalaš guovllu bealis, masa gullet davviriikkaid eamiálbmotparlameanttat (Ruonáeatama ruovvtusstivra ja sámedikkit Norggas, Ruoŧas ja Suomas).