Juovlamánu 12. b. 2007 rájes lea sámi riektačállinreaidduid vuosttas válmmas veršuvdna olámuttus. Lea historjjálaš dáhpáhus sámi dihtoráldaris, ja lea dehálaš olahus lážidiin saji sámegiela atnui dálá servodagas. Divvun šaddá veahkki ollu sámegielagiidda, mat eai leat ovdal máhttán dehe duostan čállit iežaset gillii.
Almmuhan
Kuhmunen, John-Marcus.
Maŋumustá rievdaduvvon 03.03.2008
Sámi riektačállinreaiddut sisttisetdollet davvi- ja julevsámegiela
čállindárkkisteami ja automáhtalaš sátnejuohkima. Buot reaiddut bohtet nuvttá geavahussii, ja visot Sámedikki dahkan gáldokodat leat friddja oažžumis GPL-liseanssa vuolde.
Riektačállinreaiddut mat dál almmuhuvvojit leat MS Office várás, sihke Windows ja Mac geavahanvuogádagaide. Sátnejuohkin ja stávenkontrolla InDesignii ja reaiddut OpenOffice.orgii bohtet maŋŋil. Manná atnit OpenOffice.org, maid nuvttá oažžu viežžat, Microsoft Offica sajis, dat doaibmá Linuxis nai. Reaidduid ođasmahttimat biddjojit jámma sisa.
Reaiddut leat gávdnamis www.divvun.no http:// www.divvun.no ja buot berošteaddjit ožžot daid viežžat.
Divvun-prošeavtta jođiha Norgga Sámediggi. Sámediggi, Bargo- ja
searvadahttindepartemeanta , Kultur- ja girkodepartemeanta,
Máhttodepartemeanta ja Nordplus Sprog leat ruhtadan dan.
Prošeavttas lea lagas ovttasbargu Romssa universitehta giellateknologiijabirrasiin http://giellatekno.uit.no/. Ovttaiduvvama MS Officiin lágida Polderland Language & Speech Technology bv http://www.polderland.nl