Kártauskkádat lea dál viiddiduvvon guoskat olles Sámedikki doaibmaguvlui. Dat mearkkaša dan ahte šaddá vejolaš gávdnat dieđuid earret eará kulturmuittuid, gáhttenárvosaš visttiid ja luonddufágalaš beroštumiid birra Romssas, Nordlánddas, Davvi-Trøndelágas, Mátta¬-Trøndelágas ja Hedemárkkus.
Almmuhan
Kuhmunen, John-Marcus.
Maŋumustá rievdaduvvon 19.06.2007
DavviAtlas lea ovttasbargu Finnmárkku fylkkagieldda, Finnmárkku fylkkamánni ja Sámedikki gaskka. Uskkádat lea geográfalas diehtojuohkinvuogádat (GDV) interneahta bokte, mas leat ollu geográfalaš dieđut maid áššemeannudeaddjit, doaibmabiddjoeaiggádat ja ovttaskas olbmot sáhttet geavahit.
Uskkádagas leat dieđut olles sámi ássanguovllus Norgga bealde, ja addá bálvalusaid earret eará kárttaid, áibmogovaid, kulturmuittuid, boazoguohtonguovlluid, dulvevárraguovlluid, bievlavuodjen- ja skohterláhtuid, luonddušlájaid, náliid gávdnoštumiid ja eanadoalloareálaid birra.
Riikaviidosaš dieđut vižžojuvvojit njuolga WMS-bálvalusaid lágideaddjiin, muhto ovttasbargobealit láhčet báikkálaš ja guovllulaš dieđuid mat vižžojuvvojit muhtun serveris Finnmárkkus.
Eanet dieđuid sáhttá oažžut:
Stein Tage Domaas
Guovllu- ja kulturbirasgáhttenhoavda
Finnmárkku fylkkasuohkan
telefovdna 78 96 20 73/ 480 60 783