Sámis ilbmet duollet dálle ođđa sámegiela fágagirjjit sámegillii. Dás čájehit girjjiid mat leat ilbman daid maŋemus jagiid. Dás oaidnit maid makkár sátnegirjjit ja veahkkeneavvut gávdnojit sámegilli, ja maiddái eará gielaide, girjjiin ja interneahtas. Dáin siidduin maid sáhttá geahččat Sámi giellalávdegoddi Giellaságat-láđážiid.

Suoma sámediggi lea almmuhan dál ođđa oahpponeavvuid, namalassii Áppes - min meahci máidnasat, maid Inga Guttorm lea čállán ja Salli Parikka lea govaid dahkan. Minna Saastamoinen lea bordán girjji. Nubbi girji lea Anárašgillii Muu aabis, čohčâ, maid Matti Morottaja lea čállán ja uŋgárlaš Daniel Gelencsér lea govaid dahkan. Goappašat girjjit leat jurddahuvvon álgooahpahussii.

Språkportalen lea almmuhan ođđa Språk i Norden girjji. Språk i Norden lea giellalávdegottiid ja davviriikkalaš giellaráđiid jahkegirji. Fáddán dán jagi lea giellapolitihkka ja giellaguottut.

Aune Mettäpuro ja Satu Moshnikoff leaba čohkken duodjesániid árbevirolaš nuortalašsámiid dujiin, ja almmuhan sátnelistu mas leat olu čáppa duodjegovat.

Satu ja Jouni Moshnikoff ja Eino Koponen leat almmuhan vuosttaš  nuortalašgiela skuvlagiellaoahppa girjji.

Girji lea suomagillii ja nuortalaš gillii ja čilge nuortalašgiela čállingiela njuolggadusaid.

Gunvor Guttorm ja Solveig Labba leaba almmuhan ođđa sátnegirjji  "Ávdnasis duodjin". Girji lea sátne- ja tearbmačoakkáldat sámi dipmaduojis. 

Srpåk i Norden lea davviriikalaš giellalávdegottiid jahkečála. Dán jagá fáddá lea namat, sihke olbmuid namat ja báikenamat.

Leatgo dus skuvlamánát? De soaittát fuomášan ahte ođđa skuvlagirjjit dárogielas leat earaláganat go ovdal. Norgga giellaráđđi ja Oahpahusdirektoráhtta leaba rávven ođđa grammatihkkatearpmaid dárogieloahpahussii. Tearpmat leat eanaš čuvvon Norsk referansegrammatikk-girjji mii ilmmai 1997.Earret eará leat heaittihan sátneluohká lohkosánit ja lea boahtán ođđa sátneluohkkán determinatiivvat.

Nordterm 2007 dollojuvvui Norgga gávpeallaskuvllas Bergenis geassemánu 13.-16.beivviid 2007. Lágiideaddjit ledje Norgga giellaráđđi, Gávpeallaskuvla, Bergen Universitehta ja dutkanossodat Aksis Unifob seamma universitehtas.

Vuosttaš oktasaš davviriikalaš giellapolitihka julggaštus lea gávcci gillii almmuhuvvon. Julggaštusa sáhttá geahččat ja diŋgot Davviriikaid giellaráđi neahttasiiddus.

Norgga giellaráđđi lea gieskat almmuhan Termlosen-gihppaga, mii heive bures buohkaide geat ráhkadit sátnelisttuid dahje muđui beroštit terminologiijas ja fágagielas.

Geahča www.sprakradet.no jus aiggut diŋgot dahje geahččat gihppaga.