Neahtta ja multimedia
Sámedikki girjerádju fállá sierra neahttabáikki oktan ohcanreaidduiguin ja ávkkálaš leaŋkačoakkáldagaiguin. Girjeráju lanjain Sámedikkis leat mis AV- ja microfilbmareaiddut ja dihtorat maid olbmot besset geavahit.
Luoikkaheapmi
Sámedikki girjerádju lea rabas buohkaide. Luoikkaheaddjit geat eai oro Kárášjogas besset dábálaččat luoikkahit girjjiid lagamus girjerájus. Mii vástidit gažaldagaid telefovnnas, e-poasttas dahje fávssa bokte.
Veahkki ja neavvun
Sámedikki girjerádju sáhttá neavvut girjerájuid go dat áigot oastit girjjiid ja girjerádjoávdnasiid iežaset sámi čoakkáldagaide. Go váldá oktavuođa girjerájuin, de mii sáhttit veahkehit gávdnat guovdilis girjjálašvuođa ja ohcat diehtovuođuin ja eará diehtogálduin.
Hálddašangirjerádju
Sámedikki girjerádju lea oassi Sámedikki hálddahusas ja das leat lanjat Sámediggevisttis Kárášjogas, ja doaibmá parlameantta hálddašangirjerádjun.