Ruoŧagiella, dárogiella ja suomagiella báidnet dávjá sámegiela. Danne lea álo dárbu gielladikšumii. Dán oasis váldit ovdan gielalaš ovdamearkkaid mat leat ávkin beaivválaš dilis go bargá sámegielain dahje oahpaha sámegiela, ja maiddái dábálaš sámegielagiidda, geat eahpidit sániid ja dadjanvugiid. Jus álbmogis leat jearaldagat dahje sávaldagat man birra mii berret čállit, de áinnas cavgilehpet Sámi giellalávdegotti hálddahusa. Oktavuohtadieđut leat almmuhuvvon álgosiidus.

Vearba "leat" sáhttá sojahuvvot persovnnaide ja loguide, muhto máŋgii sáhttá seaguhit guvttiidlogu hámi ja máŋggaidlogu hámi.

Sámegielas sáhttá ođđa sániid ráhkadit eará sáni vuođul, omd sáhttá vearbbas dahkat substantiivva dehe adjektiivva ja nuppe ládje. Dan gohčodit suorggideapmin. Dás čilgejuvvo movt vearbbain sáhttá ráhkadit dahkkinomeniid, substantiivvaid ja adjektiivvaid mat muitalit mii muhtun lea go dahká juoidá.

Pronomen Ieš sojahuvvo hui máŋgga ládje, ja máŋgii sojahuvvo juste dát pronomen boastut.  Earenoamážit sáhttet guvttiid- ja máŋggaidlogu hámit leat váddásat. 

Soames advearbbaid sojahanmálle lea váddáset muitit dahje fuobmát go earáid. Dát guoská earenoamážit go possessiiva suffivssaid galgá sojahit persovnnaide ja loguide. Goas galgá leat gaskaneaset ja makkár eará hámit gávdnojit?

Adjektiiva lea sátni mii čilge movt dehe makkár juoga lea. Adjektiiva sáhttá leat attribuhtahámis ja predikatiivvahámis. Adjektiivvas lea attribuhttahápmi ovddabealde substantiivva, ja dalle ii sojahuvvo adjektiiva. Adjektiivvas lea predikatiivahápmi maŋábealde substantiivva.