H. M. Gonagas Harald V rabai ođđa sámediggevistti almmolaččat skábmamánu 2. b. 2000:is. Vistti leaba tevdnen siviilaarkiteavtta guovttos Stein Halvorsen ja Christian Sundby, geat vuittiiga njukčamánus 1996 arkiteaktagilvvu.
Huksenbarggut álggahuvvojedje borgemánus 1998, ja vuođđogeađggi bijai Stuorradikki presideantaKirsti Kolle Grøndahl geassemánus 1999.
Sámediggi lea hábmejuvvon vuollegis beallegierdun guovtti gearddis gos lea Sámi sierrabibliotehka, oktasaš resepšuvdna, vihtta čoahkkinlanja ja njealjelogi kantuvrra. Nuppe geahčen beallegierddu lea lávvohápmásaš dievasčoahkkinlatnja mii lea sámi álbmotválljen orgána čoahkkimiid várás.
Sámediggevisti deavdá buot govttolaš gáibádusaid ođđaáigásaš parlameantavistti ektui. Sámedikki dievasčoahkkinlanjas, auditoriijas ja buot čoahkkinlanjan leat digitála dulkonrusttegat. Preassas ja medijain leat sierra lanjat, ja lea vejolaš TV ja radio bokte sáddet Sámedikki dievasčoahkkimiid.
Bálkkašumit
Jagi 2001 oaččui Stáhta Huksenvierrobálkkašumi. Jury dadjá bálkkašumi addima vuođustusas ahte: ”Arkiteavtta guovttos guhte leaba tevdnen Sámediggedálu, leaba ovttasráđiid hukseheaddjiin ja ráđđeaddiiguin nagodan heivehit oktii ođđaáigásaš huksenprográmma sámi huksenárbevieruiguin ja kultuvrrain, go dát čáppa ja dasto dattetge fal nu loaittus dállu poehtalaččat heive báikki lundui. Dát dállu lea buktán Finnmárkku duoddarii gelddolaš ja erenoamáš deaivvadansaji. Sámediggedállu šaddá leat deaŧalaš oassi Kárášjoga viidáseabbo báikehápmemis ja dat buktá oidnosii sámi árbevieruid ja identitehta. Dát dállu lea oassi buriid huksendábiid ovddidanbarggus.”
Jagi 2001 oaččui Stáhta Huksenvierrobálkkašumi. Jury dadjá bálkkašumi addima vuođustusas ahte: ”Arkiteavtta guovttos guhte leaba tevdnen Sámediggedálu, leaba ovttasráđiid hukseheaddjiin ja ráđđeaddiiguin nagodan heivehit oktii ođđaáigásaš huksenprográmma sámi huksenárbevieruiguin ja kultuvrrain, go dát čáppa ja dasto dattetge fal nu loaittus dállu poehtalaččat heive báikki lundui. Dát dállu lea buktán Finnmárkku duoddarii gelddolaš ja erenoamáš deaivvadansaji. Sámediggedállu šaddá leat deaŧalaš oassi Kárášjoga viidáseabbo báikehápmemis ja dat buktá oidnosii sámi árbevieruid ja identitehta. Dát dállu lea oassi buriid huksendábiid ovddidanbarggus.”
Jagi 2002 ožžon Nordnorsk arkitekturbálkkašumi. Jagi 2003 ožžon Fiabci Norways Eiendomsbálkkašumi almmolaš visti kategoriijas. Sámediggivisti čájeha buori Norgga arkitektuvrra ja huksenvieru, ja lea gelddolaš čájehit Norgii ja oba máilbmái mainna lágiin visti arkitektuvra lea nu bures birrasii heivehuvvon, dajai jury.