Prošeaktaruđat dearvvašvuođa- ja sosiálabálvalusaide sámi álbmoga várás Norggas. Prošeaktaruđat galget váikkuhit ovttaárvosaš dearvvašvuođa- ja sosiálabálvalusfálaldaga ovddideami sámi álbmoga várás.
Ulbmiljoavku
Doaibmabijuid ulbmiljovku lea sámi álbmot Norggas. Prošeaktaruđaid sáhttet ohcat gielddat, fylkkagielddat, almmolaš ásahusat, organisašuvnnat ja fitnodagat, main leat doaimmat sámi álbmoga várás. Maiddái dakkár prošeavttaide, mat eai čatnas ásahuvvon doaimmaide, sáhttá oažžut prošeaktaruđaid.
Ulbmáluššansuorggit
Sámediggi vállje jahkásaš ulbmáluššanšurggiid. Dát ulbmáluššansuorggit biddjojit vuođđun go ohcamat vuoruhuvvojit.
Jagi 2007 várás leat válljejuvvon čuovvovaš ulbmáluššansuorggit:
• Čielggadan- ja prošeaktabarggut, main lea áigumuš heivehit dearvvašvuođa- ja sosiálabálvalusaid sámi duohtavuhtii.
• Doaibmabijuid metodaovddideapmi ja láhčin sámi guovlluid dábálaš dearvvašvuođa- ja sosiálabálvalusaid iešguđet dárbbuid várás.
• Dearvvašvuođa- ja sosiálabargiid oahpaheapmi sámegielas ja sámi kulturáddejumis.
• Prošeavttat maid ulbmilin lea ovdánahttit ja evttohit buriid reaidduid dasa movt mihtidit ja sihkkarastit sámi álbmoga vástesaš dearvvašvuođa- ja sosiálafálaldagaid kvalitehta.
Ohcanáigemearri
30.06.2007
Peršovnnalaš oaivadus
Jos dus leat gažaldagat dahje dárbbašat peršovnnalaš oaivadusa movt čállit ohcama ásaheami birra, de sáhtát váldit oktavuođa Servodatossodagain Kárášjogas.
Telefovdna 78 47 40 00
Faksa 78 47 40 90
samediggi@samediggi.no