Siidduin gos don leat dál, lea viiddis doaibma ja sisdoallu dan fálaldaga ektui mii Sámedikkis ovdal lea leamaš.
Máŋga geainnu
Min ulbmilin lea ahte galget gávdnot máŋga geainnu dan bálvalussii dahje daid dieđuide maid leat ohcamin. Danne fuomášat ahte don sáhtát gávdnat siidduid ja sisdoalu iešguđet vugiiguin.
Guovttegielatvuohta
Sámediggi deattuha ahte siiddut galget doaibmat guovtti gillii. Dát prinsihppa lea čuvvojuvvon nu guhkás go teknalaččat lea leamaš vejolaš. Dattetge sáhttá leat nu ahte muhtun áššebáhpirat ja bálvalusat leat dušše ovtta gillii - eanaš heviid aivve dárogillii.
Áššebáhpirat poastajournálas (poasta olggos ja sisa) eai jorgaluvvo, muhto dat leat dušše dan gillii go leat čállojuvvon. Sáhttá maid geavvat nu ahte muhtun čielggadusat ja raporttat leat dušše ovtta gillii.
LivsIT/Eallindilit lea Statskonsult fálaldat mii dál gávdno aivve dárogillii ja danne dat fállojuvvo ge dušše dárogillii Sámedikki siidduin.
Cavgileamit ja mearkkašumit
Jos dus leat mearkkašumit dahje áiggut cavgilit maid nu Sámedikki ođđa neahttasiidduide, de sáhtát daid sáddet midjiide. Liŋkka gávnnat dás vuolábealde.