Doarjjaortnega mihttomearri:
Oažžut eanet ohppiid joatkkaskuvllain válljet sámegiela vuosttaš giellan erenoamážit ja oahpahusa sámi gielas oppalaččat
Doarjjaortnega olahusjoavku:
Joatkkaskuvllaid ollesáigeoahppit geain lea sámegiella fágasuorggis
Ulbmilolahusa eavttut:
Man ollu ollesáigeoahppit joatkkaskuvllain geain lea sámegiella fágasuorggis
Juolludaneavttut ja máksineavttut:
• Ohcanáigemearri guovvamánu 1. b. 2010. Ohcamat sáddejuvvon dien beaivvi maŋŋá, eai meannuduvvo
• Sámedikki ohcanskovvi ortnega várás galgá geavahuvvot (almmuhuvvo mánnomolsuma juovlamánu ođđajagimánu)
• Oahppi ferte leat ollesáigeoahppi dakkár oahpposajis mas lea vuoigadahttojuvvon oažžut doarjaga Stáhta loatnakássas
• Skuvlla duođaštus oahppistáhtusis ja oahpahusas sámegielas biddjojuvvo mielde ohcamii
• Stipeanda máksojuvvo ollásit go dárbbašlaš duođaštus lea ovddiduvvon
Meroštallannjuolggadusat:
• Stipeanda juhkkojuvvo gorálaččat:
- ohppiide geain lea sámegiella vuosttaš giellan
- ohppiide geain lea sámegiella nubbin giellan
- ohppiide geain lea sámegiella vierisgiellan oktasašfága, prográmmafága dahje čiekŋudanprošeakta, gaskka
Ohppiide geain lea sámegiella nubbin giella, vuoliduvvo stipeanda 25 % daid ohppiid ektui geain sámegiella lea vuosttaš giellan.
Ohppiide geain sámegiella lea vierisgiellan oktasašfága dahje čiekŋudanprošeakta vuoliduvvo stipeand 50 % daid ohppiid ektui geain sámegiella lea vuosttaš giellan.
Juohke giellajoavkku siskkobealde juogaduvvo jahkásaš stipeandarámma nu ahte doarjjavuoigatdahttojuvvon oahppit geat devdet juolludaneavttuid, ožžot ovtta mađe guhtege.
Ortnega hálddaša Sámedikki doarjjastivra.